Gin pakinanhan han legal counsel ni anay presidente Rodrigo Duterte an International Criminal Court (ICC) prosecution kun plano gihapon hini nga imbestigahan an administrasyon ni Presidente Ferdinand Marcos Jr., kadungan han pagduon hini nga padayon an “vigilante killings” bisan kun nahuman na an termino han anay presidente.
Sumala kan Kaufman, nagawas ha datos tikang ha Dahas Project han University of the Philippines nga 160 tikang ha 342 nga pamatay an nahipatik ha kamot ha state agents ha syahan nga tuig han administrasyon Marcos.
Nahipatik an paghitaas tikang ha 342 tikadto ha 362 killings tikang han Hulyo 2023 kutob han Hunyo 2024, kun diin nakasurat ha report nga responsable an state agents ha 34% han mga pagpatay.
Gin kwestyon gihapon ni Kaufman kun kay ano waray manawagan hin pagbaton an iya “colleagues” ha prosekusyon para ha mga pamatay nga nahitabo ha ilarom han presente nga administrasyon.
