-- Advertisements --
ENTERTAINMENT – Ginkansela han beterano nga singer nga hi Rod Stewart an pira na show niya ha US mahuman nga maduktan ini han trangkaso.
Gin-anunsyo han 80-anyos nga singer an pag-ugsod ngan pag-reschedule han iya show ha iya social media account.
Nangaro hiya hin pasaylo ha mga fans tungod han panhitabo ngan nagpatapod nga mabalik hiya pagbalik niya.
Lakip ha mga ginkansela nga show an duha ha Las Vegas ngan duha ha California.
Gin-insister gihapon niya nga andam na hiya mag-concert ha Glastonbury festival, nga matatabo ha katapusan nga semana han Hunyo.
An beterano nga singer in urhi nga nagpasundayag dida han Mayo 26 dida han American Music Awards ha Las Vegas, kun diin gintagan hiya hin lifetime achievement awards han iya mga anak.
