SPORTS NEWS – Ginbul-iwan na han Phoenix Suns an batikan nga forward nga hi Nassir Little ngan sophomore guard nga hi EJ Liddell, rason para magkamay-ada hin bakante o spot para ha 2024–2025 season.
Hi Little in anay first-round pick han Portland Trail Blazers dida han 2019 ngan na-trade ha Suns dida han nakalabay nga tuig kumo kaparte han Damian Lillard-Jrue Holiday blockbuster trade ha butngan tulo nga NBA team.
Ha sulod han 45 games ngan usa nga season nga pagmumulay hine ha Suns in nahimo hine nga magsulod hin 3.4 points per game ngan 1.7 rebounds per game.
Hi Lidell naman an 2nd round pick ngan ginpili han New Orleans Pelicans dida han 2022. Sugadman, waray magin madali an iya pagmumulay mahuman nga ma-injury dayun samtang nagmumulay ha Summer League ha tuig kun sano hin na-draft.
Dayun ine nga bumalik dida han nakalabay nga season pero nagmulay la ine in walo nga games samtang pabalik-balik ine nga nagti-training ha G League.
