-- Advertisements --
INTERNATIONAL– Naigo hin duha nga makusog nga linog an Venezuela kun diin damu an mga na-trap nga buhi ha ilarum han guba ngan narumpag nga mga building nga nagpatay hin porlomenos 188 ka tawo.
Ginsukol han Geological Survey han Estados Unidos an mao nga mga linog kun diin may kakusgon ine nga magnitude 7.2 ngan 7.5, umabot an linog ha norte nga parte han Venezuela, ha sulod hin waray pa mag-usa ka minuto kada tagsa dida han Miyerkules han gabi-i.
Nagsiring hi National Assembly chief Jorge Rodriguez nga gin-abat la gihapon an magkusog nga mga aftershocks dida han Huwebes, kun diin sumaka na an ihap han namatay ha 188, ngan 1,520 nga mga injured.
Hinay-hinay na nga ginkukuha an mga patay nga lawas nga nakikita pa ha ilarom han mga debris.
