-- Advertisements --
INTERNATIONAL NEWS– Naglalaom an Vatican nga ha mga masunod nga adlaw in tutugutan na hiton mga doktor nga makagawas ha ospital hi Pope Francis.
Nagpapadayon an improvements han panlawas hiton 88-anyos nga Argentinian Pope kumpara han nakalabay nga 3 kasemana.
Gintanggal na gihapon nira an paggamit hin non-invasive mechanical ventillation ngan gin-ibanan na gihapon an paggamit hin high-flow oxygen therapy.
Nagkakamayda gihapon hin maupay nga resulta ha pagamit han Santo Papa hin motor ngan respiratory physiotherapy.
Manunumduman, Pebrero 14, gin-admit ha ospital an Santo Papa matungod ha double pneumonia.
