-- Advertisements --
TACLOBAN CITY – Usa nga van tikang ha Tacloban City ngan biyahe tikadto ha Southern Leyte an sumurop ha usa nga balay ha Mayorga, Leyte.
Sumala kan Mayorga Municipal Police Station Chief of Police, PMaj Antonio Angcay Jr., waray nag-uukoy ha nasabi nga balay han mahitabo an insidente.
Subay han imbestigasyon, naka-idlip an driver han van samtang nagmamaneho ngan dida na ine nahimangno han pagsurop niya.
Nakag-angkon naman hin samad an mga pasaheros, ha nasabi nga panhitabo, ngan dayon gintagan hin kaangayan nga medikal nga atensyon.
Waray naman may nahipatik nga naawat an kinabuhi.
Igkokonsidera naman an nasabi nga aksidente kumo self-accident.
