Sumaka an net external liability han Pilipinas ha $54.9 bilyon ha paghuhuman han syahan nga kwarter han 2026 tikang ha $50.8 bilyon dida han katapusan han 2025, basar ha pauna nga datos han Bangko Sentral ng Pilipinas.
Kaparehas ini han 11.2% han gross domestic product han nasud.
Subay ha BSP, humitaas an net external liability mahitungod nga mas malaksi nga humabubo an kantidad han mga financial assets han Pilipinas ha iba nga nasud kumpara ha mga pagbaton hini ha mga langyawanon. Nakaapekto gihapon hini an pag-ubos han reserve assets, foreign exchange operations, ngan paghinay han pankalibutan nga kondisyon ha merkado.
Umubos ha 2.1% an kabug-usan nga external financial assets han nasud ha $258.6 bilyon, samtang umubos naman hingutiay an external financial liabilities ha $313.5 bilyon.
Ginmalatumat han BSP nga nakaapekto gihapon an mas hitaas nga bond yields ngan mga geopolitical uncertainty ha kantidad han mga foreign assets.
Ha kaluyo han paghaluag hin net external liability, gin sigurado han BSP nga nagpapabilin nga madig-on an external position han Pilipinas mahitungod ha padayon nga pagpasulod han mga langyawanon nga pamumuhunan ngan ha kapas han nasud nga makakuha hin pan-gawas nga pondo para ha pagpopondo han ekonomiya.
