MANILA, PHILIPPINES – Sumaka na ha record nga P17.708 trilyon an kabug-usan nga utang han gobyerno han Pilipinas ha paghuhuman han tuig 2025 nga mas hataas ha target han gobyerno.
Sumala ha Bureau of the Treasury an nasabi nga paghitaas in resulta han mas damo nga utang han nasud durot han “strategic net issuance” han mga debt instrument agud pondohan an mga programa han gobyerno kaupod na an paghinay han piso kontra ha dolyar ngan iba pa nga foreign currencies.
Basar pa ha pagbana-bana han Bureau of the Treasury, humitaas hin 10.32% an outstanding debt han National Governent tikang ha P16.05 trillion dida han 2024. Mas hataas hin haros 2% kumpara ha ginlalauman nga P17.36 trillion ha paghuhuman han tuig.
Sumala ha ahensya kumpara dida han Nobyembre, humitaas hin 0.34% an utang han nasud tikang ha P17.65 trillion.
Ha kaluyo han paghitaas han utang han Pilipinas ginmalatumat han Bureau of the Treasury nga nagpapabilin nga marig-on an debt profile han nasud mahitungod ha 68.4% nga kabug-usan nga utang nga tikang ha domestic sources o mga resources, pondo, o materyales nga nagtitikang ha sakob han nasud.
