NATIONAL – Lumubo ha bag-o nga record high an utang han gobyerno han Pilipinas dida han katapusan han tuig-2024 mahitungod ha paghinay han ekonomiya, subay ha datos nga igin pagawas han Bureau of the Treasury.
An nasasalin nga utang han national government in umabot ha P16.5 trillion, humitaas hin 9.8% o P1.44 trillion, tikang ha P14.62 trillion dida han katapusan han tuig-2023.
Ginmalatumat han Treasury nga an binulan nga paghitaas han stock han utang han gobyerno in nagpapailarom ha net issuance ngan availment han domestic ngan external debt.
Sugadman an revaluation effect han peso depreciation kontra ha US dollar.
An domestic debt han nasud in umabot ha P10.93 trillion in humitaas hin 9.1% tikang ha P912.49 billion dida han nakalabay nga tuig han mag-isyu an gobyerno hin mga debt securities agud padakuon an kaban hine.
Mahitungod hine, an debt-to-GDP ratio in umabot ha 60.7%, sobra ha igintalaan nga target nga 60.6% han gobyerno ha ilarom han Medium-Term Fiscal Framework.
Samtang, an external debt, naman in nagpapabilin ha 11.4% kutob P5.12 trillion tikang ha P522.55 billion increase, rason han debt availments ngan paghinay han peso kontra ha dolyar.
Sugadman, an guaranteed obligations han gobyerno in huminay hin P346.66 billion.
