TACLOBAN CITY- Nagbilin hin usa nga patay ngan walo nga samaran an natabo nga banggaay han duha nga bus ha Sta. Rita, Samar.
Sumala kan PO3 Elmer Mirasol han Sta. Rita PNP nga usa nga Samar Bus Line nga may plate number HVC 618 nga tipakadto ha Calbayog ngan usa nga Samar Bus Line nga tipakadto ha Tacloban nga may plate number HVJ 823 an nagkabanggaay ha Brgy. Binanalan ha mao nga lugar.
Dugang pa ni Mirasol nga nag-overtake ha nakaparada nga van an usa ha mga bus kun diin waray nabantayi hini an nakatapo nga bus nga nagresulta hin madugo nga aksidente.
Samtang, patay an usa nga driver nga hi Arlan Obejas Lacaba mahitungod han naangkon nga samad ngan bun-og ha magkadirudilain nga parte han lawas.
Ha pagkayana nagpapabilin pa ha hospital an walo nga samaran nga pasaheros.
