TACLOBAN CITY- Usa patay ngan usa naman an samaran mahuman nga panmumusilon han dire pa nakikilal-an nga mga suspetsado ha Brgy. Naghalin, Kananga, Leyte .
Ginkilala an mga biktima nga hira Sonny Toms Cabahug y Asis, 35 anyos , may ka live-in partner, waray trabaho, ngan residente han Brgy. Montebello, Kananga Leyte, sugad man hi Erika Arcala Asis, 19 anyos waray trabaho ngan reisdente han mao nga lugar.
Sumala kan PS. Msgt. Aldwin Ala, duty Investigator han Kananga Munisipal Police Station MPS, nga subay ha ira initial nga imbestigasyon nga sakay han ira motorsiklo an iya ka live-in partner paule ha Brgy. Montebello, Kananga, Leyte, han tigda la pagpusilon an driver han motor nga nakaangkon naman hin igo ha ulo nga nagin kawsa naman han iya kamatayon.
Samtang nakag-angkon naman hin monor injury an angkas hine ngan dayon nga gindara ha pinakaharani nga ospital .
Ha kadugangan pa nga imbestigasyon han mga kapulisan nga an biktima in ginaaligar kumo
High-Value Target (HVT) ngan nakatalapas han violation nga Republic Act No. 9165 o Comprehensive Dangerous Drugs Act of 2002 han nakalabay nga tuig 2016 .
Hapgkayana in padayon pa an gindudumara nga imbestigasyon hiton mga kapulisan ha nagpapaluyo han mao nga krimen.
