TACLOBAN CITY – Padayon an gindudumara nga hot pursuit operation ha mga gintutuohan nga mga miyembro han New People’s Army (NPA) nga dabi mahuman an natabo nga pagbuto han usa nga IED ha Brgy. Pilaon, Pinabacdao, Samar.
Sumala kan Col. Lenart Lelina, Brigade Commander han 801st Infantry Division, presente nga gintitindog ha mao nga barangay an bag-o nga CAFGU detachment unit matungod han hangyo han mga residente agud magpabilin an kamurayawan han nasabi nga lugar.
Mababaruan nga usa nga sundalo ngan usa nga miyembro han CAFGU an samaran han tikadto an mga ini ha mao nga detachment unit ha nasabi nga lugar han matabo an pagbuto han IED.
Pareho naman nakag-angkon hin samad an duha nga personnel ngan aada na ha pagkayana ha stable nga kahimatang.
Deri naman daw angay mabaraka an mga residente ha mao nga lugar matungod nga padayon an pakikipagbisog han mga kasundalohan ha pag-ato ha mga rebelde nga grupo deri la ha mao nga Baranggay kundi ha bisan diin nga parte han nasud.
