TACLOBAN CITY — Natagan hin higayon an usa nga senior highschool student nga magradwar ha Matalom, Leyte nga makuhaan hin litrato kaupod an iya tatay nga nakada ha kustodiya han mga kapulisan.
Masaka manggud ha entablado an mao nga estudyante nga usa gihapon nga honor student ha maabot nga Hunyo 27.
Sumala kan PLt. Renie Ablan, Chief of Police han Matalom Municipal Police Station, naghangyo mismo an mao nga estudyante ha mga kapulisan nga kun pwede makaupod hini an iya tatay ha iya pictorial bisan la ha halipot nga higayon.
Matungod nga nabantad an kasing-kasing han mga kapulisan in gintugutan han mga ini ha hangyo han bata nga makaupod an iya tatay.
Labot pa hini, nagdumara gihapon hira hin ocular inspection ha mismo ekswelahan han mao nga estudyante ha posibilidad nga bangin makaupod niya an iya tatay ha pagpaso niya ha entablado.
Mababaruan nga naaresto ha usa nga buy-bust operation an tatay han mao nga estudayante dida han Hunyo 7 yana nga tuig kun diin temporaryo ini nakapaslak ha Matalom Police Station.
Naglalaum naman an mao nga opisyal nga ha ira pagsarit ha PRO8 in matatagan hira hin katugutan agud makaupod han mao nga estudyante an iya mismo tatay ha adlaw han iya gradwasyon.
