TACLOBAN CITY – Patay an usa nga senior citizen mahuman nga makahamot ine hin makamaratay nga hamot hin kemikal samtang nag-uukab ine hin tuna.
Sumala kan PCpl. Andy Lou han San Ricardo Municipal Police Station, nag-uukab an biktima hin himuon nga septic tank para han ira bag-o nga tindog nga tindahan han makahamot ine hin maraot nga baho tikang ha ilarom han tuna.
Ginkilala an biktima kan Wilfredo Equipilag, 60 anyos an pangidaron ngan residente han Brgy. San Juan Pintuyan, Southern Leyte.
Basar han inisyal nga imbestigasyon han kapulisan, nagtitikang daw ha ilarom han tuna an hamot nga binaho han biktima. Ginbuligan naman ine han iya umangkon nga makagawas pero waray pa ine makakalusad ngadto han ubos han bumalik ine tipagawas utro mahitungod han matapang nga hamot tikang ha ilarom han tuna.
Dugang pa ni Lou, bisan daw an mga otoridad in kinurian pag rescue han biktima mahitungod han malain nga hamot.
Waray naman makatalwas an biktima ngan ginbawian ine hin kinabuhi mahitungod han suffocation.
