TACLOBAN CITY– Usa nga patay nga lawas an natad-an ha Crossing Brgy. Libagong Villaba, Leyte
Sumala kan PMaj. Rodolfo Renomeron Villaba Municipal Police Station, an natad-an nga lawas in nakaputos hin duyan nga kun diin an sapit hine in may-ada unidentified nga motorcycle nga waray plate number nga nakasurat.
An lugar han panhitabo in aada ha 6-7 kilometro an kahirayo tikang ha police station.
Basar han initial nga imbestigasyon nga ginhimo, waray may nakakakita han panhitabo ngan an biktima in waray kakilal-e han mga residente han mao nga lugar.
Dugang pa hine, naghangyo an Villaba Municipal Police Station hin SOCO para imbestigahan an natabo nga insidente.
Basar naman han syahan nga resulta han report in nakilala an biktima nga hi Marlon Troyo Batis, 28 an pangidaron, may-ada live in partner, waray permanente trabaho ngan taga Brgy. Wagi Leyte, Leyte.
Ha pagkayana in padayon la gihap an imbestigasyon han mga kapulisan nga mahibaruan kun hino an suspek han panhitabo.
Nagpadangat naman hin mensahe an mga opisyal han Villaba Municipal Police Station nga kun hino man it maaram han panhitabo in dire la mahadlok pagyakan ha station, ngan nagsasaad nga itatago iton personal impormasyon ngan dire papabay-an hiton security.
