-- Advertisements --
ODD NEWS – Nagmulta hin 2,664 Australian dollars o sobra 102,000 pesos an usa nga pasaheros tungod ha balon hini nga burger samtang nakadto ha airport.
Subay ha report, an waray ngarani nga pasahero in tikang ha Bali, Indonesia in mayda dara nga egg and beef sausage McMuffins ngan ham croissant nga nakabutang ha iya luggage.
Nadetect ini han biosecurity detector dog nga hi Zinta samtang gin-iinspeksyon an ira luggage ha arrival area ha Darwin Airport.
Nahibaruan nga mahugot ha pagkayana an biosecurity rules ha Australia mahuman an Foot and Mouth disease (FMD) outbreak ha Bali, Indonesia.
Nahibaruan nga an Bali in kilala nga tourist destination han mga Australian tourists.
