-- Advertisements --
TACLOBAN CITY — Naugbaw an usa nga panimalay mahuman an natabo nga sunod ha Barangay Tambulilid, siyudad han Ormoc.
Sumala kan FO2 Regie Daño, duty fire investigator han Ormoc BFP, nga balay nga nasunog in gintatag-iyahan ni Jessvic Gaudion.
Subay ha ira inisyal nga imbestigasyon nga an laptop nga waray ka tanggal ha saksakan an nagin hinungdan han mao nga sunog.
Nabaruan nga an mao nga laptop in daan na nga may defect an charger hinungdan para ini in magbuto mahuman nga mangalimtan nga nakasaksak.
Ginbabana-bana nga ada ha 140,000 an nahipatik nga danyus han mao nga sunog.
Utro naman nga nagpahimatngun an BFP ha publiko nga siguraduhon nga diri maopabay-an an tanan nga mga nagpakasaksak agud nga diri magin kawsa hin sunog.
