TACLOBAN CITY — Ginpanmumusil-patay an usa nga negosyante ha sakob la mismo han iya tindahan ha Catubig Northern Samar.
Ginkilala an biktima nga hi Zosimo Rodriguez Legarse, Bgy. San Jose
Sumala kan PCapt. Noel Unay, Chief of Police han Catubig, Northern Samar MPS, basar ha inisyal nga imbestigasyon, an biktima in nagbabantay ha iya mismo tindahan han mayda umabot nga mga kalalaken-an nga waray kakilal-i ngan tigda ini ginpanmumusil an biktima.
An mga suspek ngadaw in nagpakilala kumo usa nga customer han biktima.
Nakag-angkon naman hin inig-an hin bala an nawong han biktima hinungdan han kaawat han kinabuhi hini.
Mahuman an insidente in dayon kumalagiw an mga suspek sakay hin single nga motor.
Narekober ha crime scene an basiyo han kalibre 45 nga pusil nga gin-gamit ha pagpusil-patay ha biktima.
Padayon naman an imbestigasyon han mga otoridad ha posible nga hinungdan han mao nga insidente.
