TACLOBAN CITY – Usa nga motor boat in linmubog ha San Bernardino Strait, Biri Northern Samar. Ini in sumala han iginreport ha Biri MPS ni Gerry Delos Reyes y Infante, ada legal nga pangidaron, usa nga tour guide ngan driver hin haabal- habal.
Sumala han imbestigasyon, duha nga motorboats nga may marka nga Dodot ngan Repsol nga may mga pasahero nga ginkilala nga hira Edward Pilapil, Ray Fecismo, Eduardo Espidido, Chresil Mateo, Mark Mateo, Newell Guardiano, Espidido, nga mga residente han Gubat, Sorsogon in nagbiyahe tikang ha Biri, Northern Samar tikadto Macabari, Barcelona, Sorsogon ngan tigda la nga an usa nga motor boat nga may marka nga Dodot in nalunod mahitungod han makusog nga balud.
Usa ha mga pasahero nga hi Chresil Mateo an dayon nga nakaaro hin bulig pinaagi hin pagtawag ha cellphone han ira tour guide han pagbisita han Biri Rock Formations.
Samtang, tanan nga biktima in narescue han mga responding officers ngan waray may naireport nga nasamaran nga pasahero.
