TACLOBAN CITY -Samaran an usa nga lalaki, mahuman ine nga makag-angkon hin binun-an ha iya lawas, samtang natabo an panmuno ha Brgy. 74 Nula-Tula, Tacloban City.
Ginkilala an biktima nga usa nga lalaki, 30-anyos an pangidaron, usa nga construction worker, ngan residente han Brgy. 74 Nula Tula, Tacloban City, samtang an suspek naman ginkilala nga usa dental technician ngan ada ha legal nga pangidaron.
Sumala kan PLTCOL Edwin Cañamaque, Chief hiton City Community Affairs and Development Unit han Tacloban City Police Office, nagkamay-ada hin mapaso nga argumento suspek ngan biktima nga nagresulta han panmuno.
Basar hiton imbestigasyon, samtang nagbabaktas na tipauli ha ira balay an biktima in ginbangga ine han suspek ha sugbong kun diin nagresulta ine hin pagkabatunay han duha, kahuman in umuli nala an biktima ngan gin baliwaray an panhitabo.
Pira ka minutos han pag abaot han biktima ha ira panimalay, in nagdesisyon ine nga pangitaon an suspek ha gawas para komprontahon kun diin han pagkita han mga ine in nagresulta ine hin mapaso nga argumento, pisikalay, ngan panmuno.
Dayun naman nga kumalagiw an suspek mahuman an insidente, samtang gindara naman ha EVMC an biktima para tagan hin kaangayan nga atensyon medikal.
