TACLOBAN CITY – Patay an usa nga lalake mahuman nga pagpamumun-on ha Brgy.Cogon Palo, Leyte.
Ginkilala an biktima nga hi Jomar Delbayno, 22-anyos, samtang ginkilala an suspek nga hi Elpedio Landra, 40-anyos. Pareho naman nag-uukoy ha nasabi nga Baranggay.
Sumala kan PCpl. Ronald Gaden, Duty Investigator han Alang-Alang MPS, basar ha inisyal nga imbestigasyon, nakaon an biktima ha usa nga payag ngan ha waray rason in ginpanmumuno han suspek an biktima.
Makatulo kabeses nga ginpanmumuno han suspek an biktima hinungdan han kaawat han kinabuhi han biktima.
Nakainom ngan nakapailarom ngadaw ha makahurobog nga iriminon an suspek han matabo an mao nga insidente.
Basar naman ha mga pamakiana, magpatod la ngadaw an suspek ngan biktima.
Mahuman la an nasabi nga insidente in dayon nagdumara hin hot pursuit operation an mga kapulisan rason han kaaresto han suspek.
Ha pagkayana in nakadeteni an suspek ha Alang-Alang detention facility ngan mag-aatubang naman ini hin kaangayan nga kaso.
