BORONGAN CITY – Usa nga kumandidato pagka-Konsehal han syudad han Borongan an gin aalegar nag-awat han iya kalugaringon kinabuhi mahuman nga maperdi ha kahuhuman la nga piniliay.
Sumala kan Eastern Samar Police Provincial Office Information Officer, PLt.Col. Alex Robin, nagawas ha imbestigasyon nga gumamit hin calibre .45 an biktima ha pag-awat han iya kinabuhi basar ha nakuha nga bala ha insidente.
Subay ha report, nahitabo an insidente banda alas-1 han kakulop, kakulop nga adlaw, Mayo 13, kun diin dayun naman ine nga ginrespondehan han mga kapulisan.
Pag-abot han mga otoridad ha lugar han insidente in didto nakit-an an biktima nga waray na kinabuhi ngan mayda pinusilan ha iya may ulo.
Sumala naman daw ha asawa han biktima, waray ine napansin nga kakaiba ha biktima, ha kamatuuran daw in nag istorya pa hira han iya mister ha ira kwarto ngan kahuman in gumawas ine para mag-andam han ira pagkaon.
Dida han makaon na unta hira in pagkadto han asawa ha ira kwarto in nakit-an nala hine nga duguan na an iya mister ngan mayda na inig-an ha ulo.
Gindara pa naman an biktima ha hospital pero gin deklara na ine nga dead-on-arrival.
