TACLOBAN CITY – Usa nga establisyemento an nasampulan nga pasadhan han City Licensing Division han siyudad han Tacloban.
Sumala kan Gemafiel Gaspay, tagmangulo han City Licensing Division, nga napasadhan an mao nga establisyemento tungod nga waray ini sumunod ha pira nga ginpapatuman nga health protocols sugad nala han pag obserba han social distancing ngan an diri pagsunod han 50% nga capacity.
Dugang pa han mao nga opisyal nga naghatag na daw hira hin duha ka warning ha mao nga establisyemento pero waray la gihap ini tumuod.
Ini an rasun han pag issue nira han Temporary closure.
Labot hini in mayda liwat hira mga private terminals, internet cafe ngan iba pa nga subject for closure.
Nanawagan naman an mao nga opisyal ha mga business owners nga sumunod la gihapon ha ginpapatuman nga aludayday komo kampanya agud nga diri sumarang an COVID-19.
