USA nga buwaya nga mayda kahilaba nga 3-feet an tigda sumulod ha usa nga tindahan han bagel ha Southport, North Carolina dida han nakalabay nga bulan.
Sumala ha notisya, nakasulod an buwaya ha likod nga purtahan han establisyemento ngan umagi ha kusina ngan kumadto ha atubangan han tindahan.
Nahikalasan an mga empleyado ngan tag-iya han tindahan nga hi Jesse Driscoll han makit-an nira an dire nira ginlalauman nga bisita.
Mahitungod han kahadlok, dayon nga gumawas hi Driscoll ngan umaro hin bulig ha mga otoridad.
Rumesponde an mga pulis ngan mga tawo han Animal Protective Services agud dakpon an buwaya kun diin, malinangpuson naman nira ini nadakop ngan naibalhin ha usa nga talwas nga lugar.
Nagin usa naman nga pataraw-an an establisyemento ha social media kun diin nagsarang an balita nga pati buwaya in naruruyag ha ira mga ginluluto nga bagel.
