TACLOBAN CITY – Maswerte nga nakatalwas an 17 nga mga pasaheros han usa nga bus nga nahulog ha usa nga bangin pira ka minutos mahuman an natabo nga linog ha Barangay Obayan, Pinabacdao Samar.
Ginkilala an driver han bus nga hi Luis Molobolo, ada ha legal nga pangidaron.
Sumala kan Patrolman Roel Arot, imbestigador han Pinabacdao MPS, nga subay ha pamahayag han driver nga biyahe hira pa Tacloban han dumalunot an iya ginmamaneho-an nga bus ngan nagduruderetso ha usa nga pangpang nga may kahilarom nga 4 feet ngan nadat-ugan an duwa nga panimalay.
Maswerte naman nga waray nasamaran tungod nga ginkatuman nga waray tawo ha sakob han mao nga panimalay mahitungod nga nagkagawas an mga nagungukoy hini ha kahuhuman la nga linog.
Samtang dayon naman nga nakapalusad an mga pasaheros nga waray gihapon may nahipatik nga nasamaran.
