NATIONAL–Malinampuson nga gin-rescue han Philippine National Police-Women and Children Protection Center (PNP-WCPC) an usa nga bata nga 12 la ka adlaw an pangedaron mahuman nga ginbaligya ini han iya mga kaganak ha usa nga entrapment operation han ahensya.
Nadakpan gihapon an mga kaganak hine han ika 2 han Pebrero, ha usa nga mall ha San Jose del Monte, Bulacan, mahuman nga nakarawat nira an by bust money nga nakantidad ha P27,500.
Subay han imbestigasyon, ginaalegar nga intensyon han mga kaganak nga gamiton an kwarta kumo start-up capital para han ira kwek-kwek ngan fishball business.
Maatubang naman an mga suspek ha charges in pagtalapas ha Republic Act (RA) 9208, nga ginamyenda han R.A. 10164 ngan R.A. 11862 o an Expanded Anti-Trafficking in Persons Act of 2022 for qualified trafficking; ngan R.A. 7610, o “Special Protection of Children Against Abuse, Exploitation and Discrimination Act,” for child abuse.
