TACLOBAN CITY – Patay an usa nga South-African National ha Baybay City.
Ginkilala an biktima kan Jacugos Daniel Venter, 55-anyos an pangidaron, usa nga South African-National ngan residente han Brgy. Hibunawan Baybay City.
Sumala kan PLt. Col. Jeomen Collado, Chief of Police han Baybay City Police Station, dida han Nobyembre 23 han gabi in nagreport ha mga kapulisan an live-in partner han biktima.
Subay han mao nga opisyal, tikang dida han tuig-2012 in nagbabalik-balik na an biktima ha syudad hitun Baybay ngan nag-iha la ine hiya dida han 2020 han panahon han pandemya.
An adlaw ugsa an mao nga insidente in nahikit-an an biktima han ka live-in partner hine nga nakainom ngan nahigda ha lamesa ha gawas han ira balay.
Dugang pa hine han adlaw han panhitabo in tigda la may-ada nabatian an live-in partner nga aringasa ngan pagkitaa niya in nagbububura na an baba han mao nga biktima.
Nahibaruan naman nga magkaduru-dilain la nga problema an gin huhuna-huna han biktima han nakalabay nga mga bulan rason han nagpakamatay ine.
