INTERNATIONAL–Ginbasura han US Senate an War Powers Resolution nga tumong nga limitahon an gahum ni President Donald Trump nga magbuhat hin dugang nga aksyon military kontra ha Iran.
Ha botos nga 47-53, waray nakalusot an panukala nga ginduso han mga Democrats ngan pira ka mga independents.
Ha nagin botohan, Sen. John Fetterman an Democrat nga bumotos kontra ha resolusyon, samtang hi Sen. Rand Paul naman an nag-uusa nga Republican nga sumuporta hine.
Sumala ha mga nasuporta ha panukala, tumong hine nga pugnan an White House nga magbuhat hin ga military strieks hin waray permiso han Kongreso.
Ine an ikaduha nga higayon ha sulod han usa ka tuig nga utro nga ginduso ni Sen. Tim Kaine an War Powers Resolution kasumpay han Iran, ha butnga han padayon nga tensyon ngan kahadlok ha posible nga pagdamo hin ga American casualties.
Ha kaluyo han pagkapakyas, ginduon han mga Democrats nga importantenga igpakita an checks and balances ha gahum han pangulo.
Bago pa man an pitad ha Senado han Amerika, duro an nagin komosyon ha parte ngan US ngan Iran han weekend, kun diin mahuman han pag-atake han US, bumulos naman an Tehran ha mga kaalyado nga nasud han West kalakip an Qatar, UAE, Saudi, ngan iba pa nga nasud ha Middle East.
