NATIONAL NEWS- Parehas nga lumaprak ha katubigan hiton South China Sea ha magkabulag nga insidente an usa nga US Navy helicopter ngan fighter jet .
Sumala kan US Pacific Fleet yana nga Lunes, Oktubre 27, an syahan nga crash incident in ginkakadabihan han US Navy MH-60R Sea Hawk helicopter, nga nakatudlok ha “Battle Cats” han Helicopter Maritime Strike Squadron 73.
Linmaprak an nasabi nga helicopter ha disputed waters samtang nagdudumara in routine operations tikang ha aircraft carrier nga USS Nimitz.
Talwas naman nga narekober han search and rescue assets tikang ha Carrier Strike Group an 3 nga crew members.
Kataliwan hine, mga 30 minutos la an nakakalabay, linmaprak naman ha disputed waters an F/A 18F Super Hornet fighter nga nakabase ha Fighting Redcocks han Strike Fighter Squadron 22 samtang nagdudumara hin routine operations tikang ha Nimitz.
Manilampuson naman nga nakuha an crew members ngan talwas nga narekober han search and rescue assets tikang ha Carrier Strike Group 11.
Presente naman nga gin-iimbestigarn an rason han paglaprak han US Navy helicopter ngan fighter jet.
