NATIONAL – Bumisita ngan nag-courtesy call an mga tawuhan ngan an mismo commander han United States Navy Carrier Strike Group 5 ha mismo nga Philippine Navy Headquarters dida han Biyernes, Hulyo 4.
Ginpangunahan ni Philippine Navy Flag Officer in Command Vice Admiral Jose Ma. Ambrosio an mapaso nga pagkarawat kanda Carrier Strike Group 5 Commander Rear Admiral Erice Anduze ngan mga tawuhan hine.
An pagbisita han carrier strike group 5 in kadungan han ira selebrasyon ha US Independence Day ngan han Philippine-American Friendship day kun diin utro nga ginpadig-on an ira pakikiparte ha pagpapakusog han koopersyon ngan magin han maritime security ha Indo-Pacific region.
Samtang, ha nagin pagbisita naman han US Navy in nagkamay-ada gihapon hin mga pagharampang nga nakapokus ha nagpapadayon na —ngan ha mga masunod pa nga mga joint activities sugad han mga naval exercises, ship visits, ngan mga oportunidad nga maghaharani pa ha koordinasyon han Pilipinas ngan US ha pagdudumara hin mga operasyon, paghag-id, ngan magin ha pagkab-ot han modernisasyon.
Nagpasalamat naman hi Anduze ha nagin mapaso nga pagkarawat han Philippine Navy ha ira ngan gintagan-duon an importante nga trabaho han mga Pilipino nga marino ha pagpapakusog han paghag-id ha US Navy.
Kasunod hine in nagtikang na gihapon dida han Biyernes an port visit ngan paglilibot han aircraft carrier USS USS George Washington ha Pilipinas ngan magin ha katubigan han West Philippine Sea kumo kaparte han ira pagpapatrolya ha Indo-Pacific Region.
