Nagpahimatngon an Estados Unidos ha Oman kontra ha anuman nga pitad nga magbubutang hin toll o kabaraydan ha pag-agi ha Strait of Hormuz, ngan ginmalatumat nga papahamtangan hini hin sirot an hin-o man nga magigin kabulig ha nasabi nga plano.
Ha usa nga post na X, ginmalatumat ni U.S. Treasury Secretary Scott Bessent nga agresibo nga lalanaton han ahensya an mga indibidwal o grupo nga direkta o dire direkta nga dabi ha pagpapatuman hin toll ha nasabi nga Strait.
Samtang, ginmalatumat naman ni U.S. President Donald Trump nga waray uusa nga nasud an dapat magkamay-ada hin kontrol ha Strait of Hormuz, nga usa ha pinakaimportante nga agian han lana ha bug-os nga kalibutan.
Ginpahimatngunan gihapon ni Trump an Oman ha butnga han istoryahon, ha kaluyo han maiha na nira nga sumpayan ha militar ngan pan-ekonomiya han duha nga nasud.
Ha kaluyo hini, waray naman opisyal nga pahayag an Oman kasumpay ha anuman nga plano nga joint control han Strait of Hormuz kaupod an Iran. Sugadman, ginmalatumat han Oman nga nakig-istorya ini ha Tehran kasumpay han katalwasan han pagbiyahe ha nasbai nga kadagatan.
