INTERNATIONAL – Magpapadara an militar han Estados Unidos hin 700 nga marines ha Los Angeles, California agud bumulig ha pagpa-undang ha bayolente nga protesta samtang naghuhulat hin kadugangan nga tropa tikang ha National Guard.
An nasabi nga pitad in kumo aksyon han administrasyon ni US President Donald Trump ha padayon nga protesta kontra ha mga immigration raids.
Manunumduman nga ik-upat na ka-adlaw han nagtikang an bayolente nga protesta mahitungod ha ginbuhat nga immigration raids ha Southern California nga nagin hinungdan han pagkatitirok han yinukot-yukot nga demonstrator ha atubangan han usa nga federal detention center kun diin naka-detiner an mga immigrants.
Una na nga ginmalatumatnhi California Governor Gavin Newsom nga magsasalawad hiya hin kaso kontra kan Trump, kun diin gin-aakusaran hiya hin pagdeploy han National Guard ngan Marines kumo pagtalapas han federal nga balaud ngan soberaniya han estado. Ginsaway liwat han pira nga mga kritiko an pitad han Presidente kumo sobra nga paggamit han iya gahum.
