INTERNAITONAL–Ginanunsyo han US Central Command (CENTCOM) han Sabado nga nagbuhat hira hin 10 ka serye hin pag-atake kontra ha sobra 30 nga targets han grupo nga Islamic State (ISIS) ha Syria.
Ha report han militar, tinbuhat an mga nasabi nga operasyon ha parte han ika 3 kutob ika 12 han Pebrero
Sumala ha CENTCOM, partikular nga gintamaan han Estados Unidos an mga imprastruktura ngan storage hin nga armas han ISIS agud nga igpaluya an kapasidad han nasabi nga terrorist group.
Tumong han mnga serye han pag-atake hine nga igpabilin anseguridad ha rehiyon ngan igpaundang an utro nga pagkusog han pwersa han Islamic State.
Ginbombahan han mga pwers han Estados Unidos an mga kritikal nga imprastruktura han ISIS, kalakip an mga kampo, command centers, ngan mga pasilidad para ha storage hiun mga magkusog nga armas.
Bagaman waray gintudlok an ensakto nga mga bungto, an operasyon in nakapokus ha mga kilala nga kuta han mga nabibilin nga pwersa han terrorist group sulod hiton teritoryo han Syria.
Sumala ha report in waray nahipatik nga nasamaran o naawat hin kinabuhi ha parte han mga sundalo han US ha kabugosan nga 10 ka adlaw nga operasyon.
Ha kaluyo ha pagkapakyas han ISIS ha ira “caliphate” han 2019, nagpabilin an ayat han mga “sleeper cells” hine ha Iraq ngan Syria, nga padayon naman nga ginbabantayan han US ngan han ira mga kaalyado nga pwersa.
