INTERNATIONAL NEWS– Gin-anunsyo ni U.S. President Donald Trump nga pumirma na ine hin kasarabutahn ha butnga hiton Estados Unidos ngan Iran usa nga memorandum of understanding nga nagpapanuyo nga tudlukan na an tensyon ha Gulf region ngan utro nga abrehan an Strait of Hormuz.
Sumala kan Trump, “The deal’s all signed,” samtang nakadto ha G7 summit ha France.
Dugang pa hine, utro nga naabrehan na an ara-gian hiton lana nga naapektaran han gblockade nga nagresulta naman hin global economic disruption.
Nakatalaan naman nga himuon an special ceremony ha Geneva ha adlaw hiton Biyernes, samtang ginlalauman nga igpapagawas ha publiko an bug-os nga detalye han kasarabutan ha masunod nga adlaw.
Sugadman, dayon ine nga ginsukna han mga kritiko hiton Estados Unidos kun diin nanagawan hi Senate Democratic leader Chuck Schumer nga isa-publiko an kasarabutan ngan ig-esplikar kun anu an tinuod nga kabalyo han nasabi nga deal kalakip na an epekto hine ha seguridad han Amerika.
Kadungan han pag-pirma ha kasarabutan, nahireport nga humamubo an presyo han lana ha world market matungod ha pag-laom nga mahuhuman na an krisis ha suplay.
