INTERNATIONAL NEWS– Ginpalaprak han US military an usa nga Iranian drone nga humirani ha ira aircraft carrier ha Arabian Sea.
Sumala kan US Central Command (CENTCOM) spokesperson Tim Hawkins, gingamit nira an US fighter jet tikang han USS Abraham Lincoln para palaprakon an drone.
An nasabi nga pitad in kumo pagprotekta han ira aircraft carrier ngan mga personnel nga nakasakay hine.
Usa nga klase han Shehed-139 drone an ginpalaprak han F-35C Fighter jet tikang ha Lincoln ha parte han Timog nga kadagatan han Iran.
Natabo an insidente kun diin magpapadara na gihapon an Iran han ira tinaglawas para magkamayda hin hapsay nga paghihimangraw ha US.
Manunumduman nga una na nga ginpahayag ni Trump nga andam hira nga atakihon an Iran kun dire ine umundang ha paghimo han nuclear ngan kun humitaas an ihap han mga namamatay nga protesters matungod ha paglaprak han ira ekonomiya.
