INTERNATIONAL – Ginaunsyo han Estados Unidos nga maghahatag ini hin maritime fund para ha mga nasud ha Indo-Pacific Region kaupod an Pilipinas.
Ini in agud buligan an mga nasud maproteheran an ira katubigan ngan ma-ato an illegal maritime activities nga natalapas ha international laws.
Panuyuan gihapon han bag-o nga US funding in agud mapakusog pa an maritime law enforcement capacity han mga nasud ha rehiyon kaupod an Vietnam, Indonesia, Malaysia, Pacific Islands, Pilipinas ngan iba pa nga maritime South East Asian nations.
Ginbuhat ni US Sec. of State Marco Rubio an pahayag nga kaupod nga nag-host han maritime ministerial meeting ha United Nations General Assembly ha New York.
Ha iya pahayag, ginbatikos ni Rubio an pagpapahalawig ngan an mapandestruso nga maritime claims han China ha ginpapag-agawan nga kadagatan nga West Philippine Sea.
