NATIONAL – Gin hag-id han US troops an mga Pilipino nga sundalo agud magin pamilyar ha paggamit han Avenger Air Defense System nga iginkokonsidera nga primero o pinakasyahan nga shoot-on-move air defense platform han US.
Ha usa nga pahayag, ginmalatumat han Armed Forces of the Philippines (AFP) nga nag-usa an mga sundalo han Pilipinas ngan Amerika nga nakiusa ha tinuig nga Balikatan exercise sa Naval Education, Training, and Doctrine Command ha Zambales para ha usa nga joint formation ngan activity breifing.
Nakasentro an nasabi nga paghag-id ha pagka-memorya han mga Pilipino nga sundalo ha Avenger Air Defense System magin ha primary armament hine nga FIM-92 Stringer missile.
An Avenger in usa nga klase hin mobile short-range air defense system kun diin gin uusa hine an walo nga ready-to-fire nga Stringer missles tikang ha Humvee nga usa nga military transport vehicle.
Naghahatag ine hin rapid target engagement kontra ha low-flying aircraft, helicopters, ngan unmanned aerial systems.
Samtang kilala naman an Stringer missiles hine para ha infrared homing guidance ngan fire-and-forget capability, nga naghahatag hin dalan ha operators nga dayun ma-neutralize an mga hulga ha kalangitan hin mas hataas nga tyansa nga maigo an target.
An balyuay hin hibaro ha butnga han mga sundalo han Pilipinas ngan Amerika in nagpapakusog pa han tactical synchronization, nagpapahusay ha combined operational readiness, ngan nagpapakita hin madig-on nga interoperability ngan mutual commitment han duha nga pwersa para ha seguridad ha rehiyon ngan kaandaman ha pagdepensa.
