TACLOBAN CITY – Naaprubahan na ha ikatulo ngan pinal nga pagbasa an House Bill No. 10423 o an Universal Social Pension ha Kamara.
Sumala kan Enriqueta Roncal Rodeles, Commissioner hiton National Commission of Senior Citizen Cluster 5, duro an ira kalipay ha ira komisyon sugadman an mga kalagsan nga naaprubahan na ha Kamara an nasabi nga balaudnon mahitungod nga dako daw ine nga prebilihiyo ha mga kalagsan.
An Universal Social Pension in usa nga tax-financed program nga nagsisigurado han standar nga minimum income han mga kalagsan kun diin kumpara ha presente nga Social Pension Program, ine ine Universal Social Pension in panuyo nga matagan an ngatanan nga kalagsan, mapa-indigent man o dire, labi na an mga waray nakakarawat nga binulan nga income o pension.
Duro naman an pasasalamat han mga ine ha mga membro han Kamara de Representantes mahitungod nga ngatanan han mga ine in bumutos ha nasabi nga balaudnon.
Ha pagkayana in ginhuhulat nala daw nira nga maaprubahan gihapon ine ha Kongreso agud mahimo na nga balaod ngan matagamtaman han mga kalagsan labi na an dire pa bulig o waray pa may nakakawarat nga pension.
