TACLOBAN CITY – Patok ha mga katawhan an kakaiba ngan panibag-o nga attraction ha probinsya han Biliran.
Basar ha guinpagawas nga report nga ini nga underwater chapel in guintatawag nga “Capilla del Mar” nga namumutang ha Higatangan Island ha Naval, Biliran.
Sumala kan Mayor Gerard Espina nga guintampo nira an 12 kapurgadas nga krus ngan walo nga mga benches o mga lingkuran kumo panibag-o nga destination ha mga divers ha Higatangan Island. Guinsisimbo hangwalo nga lingkuranan an walo nga mga municipalidad han probinsya.
Mababaruan na ini nga underwater chapel in may kahilarom nga 25 hasta 30 feet kun diin guintudlok ini han Department of Environment and Natural Resources ( DENR) nga maupay na lugar para ha scuba diving.
Guindisenyo an mao nga underwater chapel diri la kutob ha pag-aghat han mga turista kundi magsisirbi guihapon ini nga artificial reef para mas mapadamo an population han mga marine life o mga elemento ha kadagatan nga nakapalibot ha isla.
Mababaruan nga kaudgan han mga pakabuhi han mga residente han Higatangan Island an pagpangisda ngan an paghimo hin banig.
Guinduon naman han DENR na magiging alternatibo nga pakabuhi han mga katawhan an mga aktibidadis may kalabutan ha turismo kun diin guinlalauman an pag-abre hin mga resort ha mao nga lugar.
May kalabutan ha Capilla del Mar, an panggobyernuhan han Naval, Biliran in nakatalaan naman nga mag training hin mga parapangisda nga amo naman an magiging tour guide ha ilarom han kadagatan.
Manunumduman nga dida han nakalabay nga tuig 2017, umabot ha sobra 4,000 nga mga turista an bumita ha Higatangan Island, butang naman nga guinkakalipay han lokal na panggobyernuhan.
