SPORTS–Gin-anunsyo na ni undefeated World super middleweight champion Terence Crawford an iya pagretiro.
Pinaagi hiton usa nga video ha internet, gin anunsyo han 38 anyos nga Nebraskan boxer an iya pagretiro, 3 ka bulan mahuman han iya pagdaog kontra ha Mexican legend nga hi Saul Alvarez, kun diin gindomina ni Crawford an ira mulay.
Ginmalatumat ni Crawford nga magreretiro hiya matungod nga karuyag niya nga humanon na an iya karera.
Mababaruan nga mayda record hi Crawford nga 42-0, 31 ka knowckouts, kun diin kapot niya an mga titulo ha WBA, IBF, ngan WBO super middleweight mahuman nga mapirdi hine hi Alvarez pamaagi hin unanimous decision.
An karera ni Crawford in umabot ha 3 ka dekada, tikang han iya debut kumo professional han 2008.
Nakuha naman niya an iya syahan nga kampeonato han 2014 han napirdi niya an boksingero nga hi Ricky Burns han Scotland para mabingwit an WBO lightweight title.
Ha kabugosan, nakadaog hin 18 nga world titles ngan waray pa na-knockdown ha ano man nga laban hine.
Samtang, ngatanan nga iya 42 nag kadaugan in tikang ha uninanimous decision o stoppage, ngan ha bugos nga karera niya, waray usa nga hurado an naghatag hin puntos pabor ha iya mga kalaban.
