-- Advertisements --
TACLOBAN CITY – Padayon la gihapon an pagkaabot han mga nabisita nga mga pamilya ha ira mga nagkamatay na nga kapamilya ha mga sementeryo ha kaluyo han makusog nga uuran nga naeksperyensyahan.
Sumala kan PMaj. Ricardo Banjawan, Chief of Police han Laoang, Northern Samar Municipal Police Station, padayon an kaabot han mga katawhan nga nabisita ha mga sementeryo bisan paman kun makusog an uuran.
Nagdeploy naman an ira buhatan hin mga otoridad nga manginginano han kahimtang han mga sementeryo han ira lugar.
Dugang pa han mao nga opisyal, may-ada gihapon hira gin pan-assign nga mag aasister han trapiko para magin mahimyang an agos hine.
