INTERNATIONAL – Natuod an United Nations nga magkakamay-ada hin global impact an magigin resulta han 2024 US Presidential Elections.
Ine an nagin baton ni UN spokesman Stephane Dujarric, mahuman ine nga mapakianhan kasumpay ha posisyon ni UN Secretary-General Antonio Guterres sa US Elex.
Bisan paman kun waray na pahilawiga ni Dujarric an pag-eksplikar, gintudlok hine an nagin pahayag ni Gutterres ha nakalabay nga UN General Assembly kun diin ginpahayag hine nga Katunga han populasyon han bug-os nga kalibutan in mabotos yana nga tuig, ngan ngatanan in maaapektaran han nasabi nga botos.
An nasabi nga pahayag in natudlok ha pagbotos han haros 4 billion nga botante yana nga tuig ha sobra 50 nga nasud, kaupod na an US, basar ha 2022 census in may-ada ine 161.42 million botante.
