Igin kabaraka han United Nations an dako nga danyos ngan epekto ha mga katawhan han Lebanon an padayon nga pag-atake han Israel.
Subay ha United Nations Refugee Agency (UNHCR), mahitungod ha haluag ngan ginpahugot nga atake han Israel in nagreresulta ini ha pag-bakwit han damo nga sibilyan.
Ada ha sobra 1.2 milyon katawo na an napiritan nga magbakwit ha ira mga kabalayan tikang han atakehon han Israel an Lebanon.
Ha paglabay han mga adlaw in padayon nga nahitaas an ihap han mga residente nga nagbabakwit.
Nagkukulang na gihapon an mga temporaryo nga urukyan han mga iginbabakwit mahitungod ha kasamok.
Manunumduman nga ginpahuru-hugot han Israel an pag-atake han Lebanon mahuman nga magpalupad hin missiles an Hezbollah militant tikang ha Lebanon kadungan han gin urusa nga pag-atake han Israel ngan US ha Iran.
