METRO MANILA – Dire pa klaro nga makakarawat hin nationwide wage hike an mga minimum wage earners ha maulpot nga Labor Day ha Mayo 1.
Ginklaro han Department of Labor and Employment nga an pagpapatuman han mga masunod nga wage adjustments para ha 2026-2027 cycle yana nga Mayo in nagpapabilin ha ilarum han eksklusibo nga hurisdiksyon han mga Regional Tripartite Wages and Productivity Boards.
Sumala kan DOLE Sec. Bienvenido Laguesma, dire magkakamayda hin across-the-board nga pag-umento han sweldo ha bug-os nga Pilipinas labot na la kun magsumite an Kongreso hin balaud nga nagmamando hini.
Lugod, padayon nga ginmomonitor han mga regional boards an mga economic conditions, kaupod an inflation, presyo han mga pangunahon nga papliton, ngan sitwasyon ha kada rehiyon ugsa magpatuman hin bisan ano nga umento ha sweldo.
Ginmalatumat han sekretarya nga naipatuman na an mga wage adjustments ha tanan nga rehiyon para ha presente nga 2025-2026 cycle.
