Iginduduso ha House of Representatives an usa nga panukala nga balaod agud pahitas-an an diskwento nga nakakarawat han mga senior citizens ha nasud.
Ini an House Bill No. 5187 o an proposed Expanded Senior Citizens Act of 2010 nga iginduduso ni Senior Citizens Party-list Representative Rodolfo Ordanes, nga panuyo dugangan an benepisyo han mga kalagsan samtang nagtitikalagas an mga ini.
Igin susuhestyon han balaod nga magdugang hin lima kaporsyento ha presente nga 20-percent senior citizen discount para ha kada kadugangan nga napulo katuig o dekada han edad, tinikangan ha pagtungtong han 70-anyos. Ha oras nga magin balaod, mahitaas na an diskwento han senior citizen ha 25%.
Pag-eksplikar han magbabalaod, samtang nagtitikalagas an mga senior citizens in dako an iginhihitaas han ira gastuson ha pag-atiman ha panlawas, mga medisina ha maintenance, ngan pan adlaw-adlaw nga panginabuhi, samtant an ira kapas nga kumita hin salapi in padayon naman nga nahinay.
Sanglit, duon ni Ordanes, an iginsusuhestyon nga graduated discount system in panuyo nga maghatag hin kadugangan nga bulig-pinansyal ha mga kalagsan ha mismo panahon kun san-o ini nira pinakakinahanglan.
