-- Advertisements --
INTERNATIONAL – Nakatalaan nga kumadto ha United States hi Ukrainian President Volodymyr Zelenskyy ha masunod nga semana.
Subay ha White House, makikigpulong an presidente han Ukraine kanda President Joe Biden ngan Vice President Kamala Harris yana nga ti-arabot nga Setyembre 26.
Magkakaada gihapon hin chansa nga makigpulong hi anay US President Donald Trump antes an nagtitikaharani nga eleksyon ha bulan han Nobyembre.
Sumala kan Zelensky, karuyag la niya igpasabot an iya tinatawag nga “victory plan” ha mga lider han Amerika.
Manunumduman nga siyahan na nga igin pahayag han US nga mas papahugton pa nira an suporta ha Ukraine, labi na kabutngaan han gin bubuhat nga pag-take han Russia ha nasabi nga nasod.
