INTERNATIONAL NEWS– Nahi-uli na han Ukraine, an patay nga mga lawas han maabot 1,212 nga mga kasundaluhan, mahuman an natabo nga prisoners exchange han Ukraine ngan Russia.
Kasumpay hine, nakarawat na gihapon han Russia an patay nga lawas han 27 nga mga hostage han Ukraine
An nasabi nga prisoners exchange in natabo kumo resulta han peace talks nga gindumara ha Turkey han nakalabay nga semana.
Ha nasabi nga himangrawon in nagkasabot an magkaluyo nga kampo nga magbalyuay an mga ine hin maabot 6,000 nga mga patay nga lawas.
Kalakip gihapon dinhi an pagpapagawas han may mga sakit nga duro nga nasamaran ngan ginkokonsidera nga prisoners of war.
Manunumduman, han nakalabay nga Lunes, gindumara an syahan nga parte han prisoners swap ngan buwas nga adlaw in pagdudumaraon an balyuay hiton mga samaran nga prisoners of war.
