TACLOBAN CITY – Ginpahayag han gobernador han probinsya hiton Leyte nga hinay-hinay na nga nakabakdaw an mga biktima han bagyong odette ha pira nga parte ha probinsya han Leyte.
Sumala kan Gov. Leopoldo Dominico Mic Petilla, nga pinaagi han bulig han gobyerno ngan han magkadurudilain nga organisasyon in nakabakdaw dayon an mga nadarahigan han bagyong odette.
Pira naman ha mga nagin prayoridad nira nga maibalik dayon an pakabuhi han mga residente ngan an paghatag hin mga relief goods.
Nakatalaan gihapon nga igpandistribwer han provincial government an mga housing materials para ha mga nadarahigan han bagyong odette.
Mababaruan nga dida han nakalabay nga bulan in nagpakakarawat an mga biktima han mao nga bagyo hin housing cash assistance tikang liwat ha opisina han NHA.
