Gin pabuto ha syahan nga higayon han Japan an Type 88 surface-to-ship missile system hini ha Pilipinas ha nagpapadayon nga Balikatan Exercise 2026.
Kundiin, personal nga nakit-an ni Defense Secretary Gilbert Teodoro Jr. ngan Japanese Defense Minister Shinjiro Koizumi an mao nga drill ha Paoay Sand Dunes ha Ilocos Norte.
An nasabi nga missile system in gin pabuto ha urhi nga drill han Balikatan Exercise kundiin, ginpalunod hini an decommissioned Philippine Navy Vessel nga BRP Quezon.
Samtang, mintras na didto ha Norte an Maritime Strike Exercise in nagkita naman hin live hi Pangulong Bongbong Marcos ha sakob han Armed Forces of the Philippines (AFP) General Headquarters ha Camp Aguinaldo, Quezon City.
Ini an syahan nga higayon nga bumulig an Japan ha war games nga 41 anyos na nga gin hihimo han AFP ngan US.
Bumulig an Japan ha mao nga Balikatan exercise mahitungod na gihapon han kapulsanan han Reciprocal Access Agreement o RAA nga senelyuhan dida han nakalabay nga tuig.
Panuyuan han nasabi nga aktibidad nga pakurukusgon an multilateral cooperation ngan interoperability ha mga bulig nga pwersa.
