TACLOBAN CITY — Patay an usa nga retired pulis mahuman nga pagtigbason an li-og hini han iya amyaw ha Poblacion District 1 bungto han McArthur Leyte.
Ginkilala an biktima nga hi retired SPO1 Danilo Domingo, residente han mao nga lugar.
Samtang ginkilala naman an suspek kan Cristito Resma suspek, ada ha legal nga pangidaron, parag-uma.
Sumala kan PInsp Teodoro Tan han McArthur PNP, nga subay ha ira imbestigasyon nga samtang nagbibisikleta an biktima in tigda nala ini nga ginbunggo hin usa nga single nga motorsiklo ngan gintigbas ha li-og.
Ginhihingita naman nga personal nga delito an hinungdan han pagtibasa-patay ha mao nga biktima.
Sumala kan PInsp Tan nga nagtikang an delito han duha tungod han mabaho nga kasilyas.
Nangalas daw an suspek tungod nga diri daw nakaka atiman an biktima ha malain nga alimyong han septic tank han biktima.
Didto na ini ginsundan ngan ginpaninigbas.
Kumalagiw naman an suspek mahuman an insidente pero ini in dayon nga nadakop pinaagi han hot pursuit operation nga gindumara han mga kapulisan.
